Disyembre 7, 2017, Daet, Camarines Norte – Bumisita si PNP Deputy Dir. Gen. Ramon Colet Apolinario kasama si Regional Dir. Chief Antonio Gardiola Jr. kahapon sa lalawigan ng Camarines Norte upang personal na bisitahin ang burol ng dalawang pulis ng nasawi sa ambush kamakailan sa bayan ng Labo.
Ginawaran ng parangal, tulong pinansiyal at kaukulang benepisyong matatanggap ang maybahay at mga naiwang kamag-anak ng mga pumanaw na pulis.
Sinundan naman ang pagtungo ng mga ito ng pagbibigay parangal sa iba pang pulis awardees at pagkakaloob ng dagdag na makabagong armas at mga baril sa mga kapulisan sa munting seremonyang ginanap sa Camp Wenceslao Q. Vinzons.
Sa kanyang pahayag, pinag-iingat nito ang mga kapulisan at binagyang diin ang kahalagahan ng kanilang seguridad sapagkat di nila tukoy kung sino ang kanilang kaaway.
Dagdag pa nito, di na dapat maulit ang nangyaring ambush at mariin din niyang sinusunod ang pahayag ng Pangulong Rodrigo Duterte ukol sa pagdedeklara bilang mga terorista sa grupong CPP/NPA-NDF at hindi sila bukas sa peace talks. Mandato aniya nila ang ipagtatanggol ang buhay ng bawat mamamayang Pilipino.
Orlando Encinares
Camarines Norte News
Photo courtesy: Ricky Pera
