Sa gitna ng kontrobersiya ngayon sa usapin ng illegal mining sa Camarines Norte, nagpahayag ng kanyang saloobin si Board Member Gerry Quiñonez sa pamamagitan ng privilege speech kahapon sa kanilang regular na sesyon sa Sangguniang Panlalawigan, kaninang hapon Pebrero a-12.
Laman nito ang hangarin na maipatupad ang ordinansang kanilang naipasa sa naturang kapulungan nito lamang nakatalikod na taon na naglalayong maproteksyunan at mapangalagaan ang kapaligiran sa lalawigan.
Sinang-ayunan din naman ito ng kanyang mga kasamahan sa Sangguniang Panlalawigan partikular ni Board Member Erwin Lausin na kapwa nya nagsulong ng naturang ordinansa.
Narito ang kabuuang nilalaman ng kanyang malayang pamamahayag:
“NOONG NAKARAANG NOBYEMBRE, INAPRUBAHAN NG SANGUNIANG PANLALAWIGAN ANG ORDINANSA BLG. 032-2013 NA NALALAYONG PROTEKTAHAN ANG KAPALIGIRAN NG ATING PROBINSIYA.
ANG ORDINANSANG ITO AY AKDA NG INYONG LINGKOD, BOARD MEMBER GERRY QUINONES AT BOARD MEMBER ERWIN LAUSIN. ITO PO AY DUMAAN SA PUBLIC HEARING AT NAIPATAWAG PO NATIN ANG IBAT-IBANG STAKE HOLDERS NA APEKTADO NG NASABING ORDINANSA, KAGAYA NG MGA MINING COMPANIES NA MAY ISINASAGAWANG PAGMIMINA O KAYA AY MAY APLIKASYON O INTERES NA MAGMINA SA ATING PROBINSIYA.
ANG NASABING ORDINANSA AY MAY LAYUNIN DIN NA MANINGIL NG BUWIS MGA MINING COMPANIES NA MAGLALABAS NG MINERAL SA ATING PROBINSIYA SA PAMAMAGITAN NG PAGBABAYAD NG CONSERVATION AND EXTRACTION FEE .
ANG NASABING BUWIS AY DIREKTANG BABAYARAN SA PROVINCIAL TREASURERS OFFICE AT IPAPASOK SA ISANG THRUST FUND. THE 60% OF THE TOTAL COLLECTION SHALL BE UTILIZED EXCLUSIVELY FOR ENVIRONMENTAL MONITORING, CONSERVATION, PROTECTION AND DEVELOPMENT PROJECTS AND PROGRAMS OF THE PROVINCIAL GOVERNMENT. ANG NASABING ORDINANSA AY MAY MGA PINAGBASEHANG MGA BATAS KAGAYA NG PHILIPPINE CONSTITUTION AT REPUBLIC ACT 7160 O LOCAL GOVERNMENT CODE.
SUBALIT NOONG NAKARAANG SESYON, AKO PO AY NAGULAT NG MABASA KO SA ATING AGENDA NA KINUKUWESTYON NG MT. LABO EXPLORATION AND DEVELOPMENT CORP. ANG LEGALIDAD NG ATING IPINASANG ORDINANSA. PARA PO SA KABATIRAN NG KAPULUNGANG ITO, ANG MT. LABO EXPLORATION AND DEV’T. CORP. AY ISANG LARGE SCALE MINING COMPANY, AT ANG MGA LARGE SCALE KARAMIHAN SA KANILA AY HINDI MGA TAGA CAMARINES NORTE, SAPAGKAT ANG APPLICATION PO NILA AY DIREKTA SA MGB O MINES AND GEOSCIENCES BUREAU, AT ANG AHENSIYA DING ITO ANG NAG AAPRUBA NG KANILANG APLIKASIYON.
ANG MGB DIN PO ANG NAG IISIYU NG ORE TRANSPORT PERMIT (OTP ) AT MINERAL ORE EXPORT PERMIT ( MOEP ) KUNG ANG MINERAL AY ILALABAS NG BANSA, KUNG KAYA WALANG DIREKTANG PAKINABANG SA KANILA ANG PROVINCIAL GOVERNMENT NA KUNG SAAN DITO NILA KINUNUKUHA ANG MGA MINERAL.
DEAR COLLLEAGUES, MR. PRESIDING OFFICER, ANG CAMARINES NORTE AY BINIYAYAAN NG MAYAMANG MINERAL, PATUNAY DITO ANG MARAMING KOMPANYA NA NAGSUSULPUTAN PARA MAGMINA SA ATING PROBINSIYA. BILANG HALAL NG TAUMBAYAN, TAYO AY MAY TUNGKULIN NA GUMAWA NG MGA BATAS PARA PROTEKTAHAN ANG ATING KAPALIGIRAN. MAY MGA NAINSPEKSIYON NA DIN PO TAYO NA MAY MGA VIOLATIONS SA ENVIRONMENTAL LAWS, KAGAYA NG PAGTAGAS NG TAILING POND NG JOHNSON MINING NA ISA DING LARGE SCALE. ANG MASAKIT, KASAMA ANG LOKAL NA PAMAHALAAN SA MGA NASISISI KAPAG APEKTADO NA ANG KOMUNIDAD PAG MAY GANITONG PERWISYO.
SA MGA GANITONG PAGKAKATAON, ANG PROVINCIAL ORDINANCE NO. 032-2013, AN ORDINANCE REGULATING THE UTILIZATION OF NATURAL RESOURCES FOR THE PROTECTION AND CONSERVATION OF THE ENVIRONMENT IN THE PROVINCE OF CAMARINES NORTE ANG ATING MAGIGING SALIGAN UPANG PROTEKTAHAN AT MAIBALIK SA DATI HANGAT MAAARI ANG MGA BINUNGKAL NA LUPA NG MGA NAGSAGAWA NG PAGMIMINA KUNG SAKALING ITO AY KANILANG IIWANAN O IAABANDONA. DAPAT DING KILALANIN ITO NG PROVINCIAL MINING REGULATORY BOARD ( PMRB ) SAPAGKAT MALAKI ANG MAITUTULONG NITO UPANG MAPROTEKTAHAN ANG LIKAS NA YAMAN, WATER SHED AREA AT KAPALIGIRAN NG CAMARINES NORTE.
IGALANG SANA ANG IPINAGKALOOB SA ATING KAPANGYARIHAN NG PHILIPPINE CONSTITUTION UNDER SEC. 2 ART. X NA NAGSASABI , THE TERRITORIAL AND POLITICAL SUBDIVISION SHALL ENJOY LOCAL AUTONOMY, AT SA SEC. 5 NA NAGSASABI, EACH LOCAL GOVERNMENT UNIT SHALL HAVE THE POWER TO CREATE ITS OWN SOURCES OF REVENUES AND TO LEVY TAXES AND FEES.
MARAMING SALAMAT PO SA INYONG PAKIKINIG , AT MULI, MAGANDANG HAPON PO SA INYONG LAHAT.
