114th CIVIL SERVICE ANNIVERSARY MONTH-LONG CELEBRATION SA CAM NORTE, SINIMULAN KAHAPON! (SEPT. 1, 2014)&(Photo by: Reyjun Villamonte)

114th CIVIL SERVICE ANNIVERSARY MONTH-LONG CELEBRATION SA CAM NORTE, SINIMULAN KAHAPON! (SEPT. 1, 2014)&(Photo by: Reyjun Villamonte)

Tapat na serbisyo, alay ko, dahil lingkod bayani ako!” Ito ang tema ngayon ng pagdiriwang ng ika 114 na anibersaryo ng serbisyo sibil sa bansa na isasagawa ngayong buong buwan ng Setyembre.

Sinimulan ito ng umaga sa flag raising ceremony sa mga lokal na pamahalaan sa labing dalawang bayan ng Camarines Norte.

Halos iisa ang laman ng mensahe ng mga alkalde sa probinsya, ito ay ang paghikayat sa kanilang mga kapwa manggagawa sa pamahalaan na maging masinop at pagbutihin ang kanilang pag lilingkod sa kani-kanilang mamamayang pinaglilingkuran.

Si Mayor Tito Sarion ng Daet ay nagpahayag na sosorpresahin nyang bisitahin ang kanyang mga kawani sa kanilang mga tanggapan sa pamahalaang lokal upang Makita kung nasa maayos ang pag seserbisyo ng mga ito anumang oras.

Samantala, alas singko ng hapon, isinagawa naman sa Little Theatre, sa Agro Sports Center Building ang isang banal na misa na isinagawa ni Msgr. Cezar Echano, parish Priest ng St. John D Baptist Church, na dinaluhan ng mga kawani ng kapitolyo at ng mga National Government Agencies.

Pagkatapos ng misa nagkaroon ng isang maikling programa na nagbigay naman ng kanilang mga pahayag ang mga opisyal ng lalawigan at ng Ceivil Service Commission.

Mensahe ni Governor Edgardo Tallado, hinikayat nito ang mga kawani ng pamahalaan, lalo na ang mga nasa ilalim ng pamahalaang panlalawigan na magsipag sa pagtatrabaho sapagkat mapapalad sila na nagkaroon ng pagkakataon na makapag trabaho sa gobyerno. Anya, napakahaba ng pila ng mga aplikante at maaari nya umanong palitan ang mga hindi magsisipag sa trabaho upang makapasok ang mas nararapat sa sweldo na nagmumula sa buwis ng mamamayan.

Ayun naman kay Vice Governor Jonah Pimentel, higit umano sa dapat na trabahuhin ng mga kawani ng gobyerno ang inaasahan ng mga mamamayan, kung kayat marapat lamang na magtrabaho silang mga nasa pamahalaan ng higit sa oras kung kinakailangan.

Dapat tapat sa trabaho, Efficient at magalang”, ito naman ang binigyan diin ni Civil Service Commission Provincial Director Cecilia Balmaceda sa kanyang mensahe sa nasabi ding okasyon para sa mga nasa serbisyo sibil. Upang maging epektibo, dapat anyang isipin ng bawat kawani ng gobyerno na sa bawat araw ng kanilang pagtatrabaho ay isipin nilang ito na ang kanilang huling araw sa trabaho, upang maibuhos ang lahat ng kakayahan na makapag lingkod sa kanilang mga mamamayan, at upang makapag iwan ng legacy sakaling mag retiro na ang mga ito.

Matapos ang maikling programa, sinimulan na ang “Pen light” Parade na dinaluhan ng nasabing mga opisyal at kawani ng pamahalaan. Dala ang mga maliliit na flashlights, umikot sa mga pangunahing lansangan ng Daet ang nasabing mga civil servants kasabay ng paglubog ng araw. Makikita ang ganda ng tanawin habang pinapanood ng mga mamamayan ang parada na sa gitna ng dilim ay nagsisilbing liwanag ang mga mumun ting ilaw na dala ng mga ito.

Simbolo ito na ang mga manggagawa ng gobyerno ay mag sisilbing liwanag sa mga mamamayan sa gitna ng dilim o pangangailangan.

Samantala, narito naman ang pahayag ni Civil Service Commission Chairman Enrique Duque:

“Isang maligayang pagbati sa lahat ng lingkod bayani ngayon ika-isang daan at labing apat na anibersaryo sibil. Isang pribilehiyo na mapabilang sa hanay ng mga ligkod bayani, lalo  na’t ating makikita ang mga pagbabago sa larangan ng serbisyo publiko.

 Alam ng komisyong ng Serbisyo Sibil ang taglay na galling, talino at potensiyal ng bawat kawani ng gobyerno. Kaya naman pinagsisikapan naming suportahan an gating yamang tao  at kaunlarang pang organisasyon upang mas mapabuti pa namin ang serbisyo  sa mamamayang Pilipino . Binibigyang pugay din naming ang lahat6 ng opisyal  at kawani na patuloy na nagtataguyod ng matuwid at mahusay na pamamahala para sa ikakuunlad n gating bayan. Kaya naman ang tema sa taong ito ay “Tapat na Serbisyo Alay ko, Dahil Lingkod Bayani Ako”

Inaanyayahan ko ang lahat ng lingkod bayani na sumali sa ibat-ibang  mga kaganapan nakalaan para sa atin ngayong[m1]  Septyembre. Hinihikayat ko rin ang lahat na magkaisa at magtulungan upang makamtan natin ang mithiin n gating pamahalaan. Muli isang maligayang pagbati sa lahat. Mabuhay ang serbisyong sibil ng Pilipinas!”

Narito rin ang magiging laman ng programa sa buong isang buwan ng nasabing programa:

114th PHILIPPINE CIVIL SERVICE ANNIVERSARY

Province of Camarines Norte

Program of Activities

SEPTEMBER 1, 2014

Part I – 4:30 P.M.                  HOLY MASS             LITTLE THEATER PROVINCIAL CAPITOL, DAET CAM. NORTE

PART II – 3:00 P.M.               OPENING PROGRAM

SEPTEMBER 1, 2014             PENLIGHT PARADE

SEPTEMBER 2, 2014             FUN RUN / Opening of Sports Fest

SEPTEMBER 4-5, 2014          Government Express goes to the Mall

SEPTEMBER 5, 2014              PRIOR

SEPTEMBER 5-10, 2014        CPO Outreach Campaign for Examinees

SEPTEMBER 16, 2014            Anti-Smoking Forum (RO5)

SEPTEMBER 17, 2014            HEALTH AND WELLNESS

SEPTEMBER 17, 2014            CPO Family Day/ Talent Show

SEPTEMBER 18-19, 2014      Forum for Local Elected Officials

SEPTEMBER 19, 2014            Medical Mission/Blood Letting

SEPTEMBER 22, 2014           TALAKAYAN

SEPTEMBER 23, 2014            Healthy Lifestyle Symposium

SEPTEMBER 24, 2014             Agency Visit/ Office Hoping/ Open House

SEPTEMBER 25, 2014             Cam Norte Executive  Learning and Dev’t. Activity

SEPTEMBER 30, 2014             Closing and Awarding Ceremony


 

Leave a Reply

Your email address will not be published.