Sinampahan ng kasong murder ng Labo PNP ang mga suspect sa pagpatay sa dalawang biktima kamakailan sa bayan ng Labo.
Matatandaan na noong ika 27 ng Agosto dakong ika-anim ng umaga ay natagpuang wala ng buhay ang dalawang lalaki sa loob mismo ng Lukban Piggery sa Purok 1a, Brgy Bakiad, Labo, Camarines Norte.
Ayon kay P/Supt. Fernandes ang hepe ng Labo MPS, nakilala ang mga biktima na sina Roderick Turno Y Obal at Carlos “Caloy” Ramos Y Zabala na pinaniniwalaang pinatay ng mga sinampahan ng kasong murder na kinilalang sina Emmanuel “Eman” Romero T Campo, 29 anyos, residente ng Purok 5 Brgy. Matacong San Lorenzo Ruiz, Camarines Norte at ang kanyang kapatid na nakilalang si Edgar Romero Y Campo 24 anyos, binata, self-employed at naninirahan sa Purok 1 Brgy Bakiad Labo.
Naitala ang kaso sa bilang NPS-V-09-INV-141-03811 at NPS-INV-141-03812 noong nakalipas na ika 10 ng sept 2014.
Sinasabing matagal nang alitan ang ugat ng nasabing pagpatay at alitan sa kanilang trabaho.
Camarines Norte News
