Nobyembre 16, 2017, Mercedes, Camarines Norte – Dalawa na ang natagpuan sa tatlong batang naiulat na nalunod kagabi sa dagat na sakop ng Brgy. 4, Mercedes, Camarines Norte.
Sa ulat ng Mercedes Municipal Police Station, dakong 12:00 ng tanghali ngayong araw nang matagpuan ang isa pa sa tatlong batang nalunod kagabi na positibo namang kinilala ng mga magulang nito.
Natagpuan ang bangkay ng 6 na taon na bata sa dalampasigan na sakop ng Brgy.6 ng parehong bayan ni Noel Torres y Benitez, 49 anyos, magsasaka at residente ng naturang lugar.
Nabatid na dakong 6:00 kaninang umaga nang matagpuan ang isa pa sa mga batang nawawala.
Samantala, nagpapatuloy pa rin ang search and retrieval operation para sa isa pang nawawalang biktima.
Camarines Norte News
