Enero 3, 2018, Mercedes, Camarines Norte – Kasagsagan ng pagdiriwang ng bagong taon ay isang tawag ang natanggap ng MDRRMO- MERCEDES hinggil sa pananaksak sa isang lalaking pinangalanang Emilio Lancion, nasa pagitang edad na 30-40 taong gulang at residente ng purok 1, Bgy. Cayucyucan, Mercedes, Camarines Norte dakong 12:24 ng madaling nitong nakatalikod na Enero 1,2018.
Agad na rumisponde sa nasambit na lugar ang mga personel ng MDRRMO at dinala sa panlalawigang pagamutan ang biktima subalit sa kasawiang palad ay hindi na umabot pa ng buhay.
Batay sa ulat ng Mercedes PNP, kahapon ay kusang loob nang sumuko ang suspek na kinilalang si Marvin Naida, 23 taong gulang at residente ng naturang lugar tatlong araw matapos ang insidente.
Ayon naman sa salaysay ng suspek, sinasaktan umano siya ng biktima pati na rin ang kaniyang ina dahilan upang depensahan umano ang sarili kaya nagawa ang krimen.
Nasa kustodiya na ng mga otoridad ang naturang suspek para sa kaukulang disposisyon.
Orlando Encinares
Camarines Norte News
Photo courtesy of MDRRMO Mercedes
