Marso 27, 2018, Labo, Camarines Norte – Arestado ng pinagsanib na pwersa ng Labo Municipal Police Station (MPS) at 2nd Camarines Norte Provincial Mobile Force Company ang ika-tatlo sa listahan ng Municipal Most Wanted Persons ng Labo PNP para sa buwan ng Marso taong 2018.
Dakong 4:30 ng hapon nitong nakatalikod na Marso 23, 2018 nang maaresto sa Barangay Layugan, Pagsanjan, Laguna ang suspek na si William Jamito y Mendoza alias Eoldan, 44 anyos, may asawa at residente ng Purok 3, Barangay Malangcao Basud, Labo, Camarines Norte.
Nabatid na si Jamito ay may kinakaharap na kasong Murder sa ilalim ng Criminal Case No. 13-2416 na ibinaba ni Presiding Judge Arniel A. Dating ng RTC, Branch 64, Labo, Camarines Norte nito pang nakatalikod na Hulyo 15, 2013.
Nasa kustodiya na ng Labo PNP ang suspek para sa kaukulang disposisyon.
Camarines Norte News
