Setyembre 7, 2018, Daet, Camarines Norte – Huli sa buy-bust operation ng mga kapulisan dakong 7:30 kagabi ang 41 anyos na si Carlo Dames y Eboña, residente ng Purok 1, Happy Homes Centro, Brgy. Lag-on sa bayan ng Daet, Camarines Norte matapos magpanggap na poseur buyer ang isang police operative.
Nakuha sa suspek ang limang (5) pirasong pinaghihinalaang shabu na nakalagay sa heat-sealed plastic sachet at marked money.
Agad na pinosasan ang suspek at dinala sa Daet Municipal Police Station kasama ang nakuhang ebidensiya para sa kaukulang disposisyon. Mahaharap ang suspek sa kasong paglabag sa R.A. 9165 (Comprehensive Dangerous Drugs Act of 2002).
Orlando Encinares
Camarines Norte News
Photo courtesy of Ricky Pera
