Pormal nang iginawad sa dalawang lola sa probinsya ng Camarines Norte ang kanilang P100,000.00 Centenarian Cash Gift mula sa gobyerno kaninang hapon, October 28, 2020.
Kinilala ang mga grantee na sina Librada San Juan Calahati, 102 years old, ipinanganak noong July 19, 1918 at Aquilina C. Aban, 101 years old na ipinanganak naman noong June 13, 1919.
Personal na iniabot ni Governor Edgardo Tallado, Chairman, Committee on Social Service, Senior Citizen and PWDs Board Member Renato Moreno at ng Sangguniang Panlalawigan ang nasabing insentibo sa dalawang benepisyaryo.
Ang maiksing programa ay naidaos sa pamamagitan ng Provincial Social Welfare and Development Office ng naturang lalawigan.
