Natagpuan na ang nawawalang katawan ng nalunod na lalaki sa may bahagi bg Daet River sa Purok-4, Brgy. Bibirao sa Bayan ng Daet, alas 2:40 kahapon, March 9, 2021.
Ito ay sa pamamagitan ng isinagawang Search and Retrival Operation ng MDRRMO-Daet.
Kinilala ang biktima na si Franklin Del Valle y Balandra, 30 anyos, residente ng Purok-1, Brgy, Maisug, San Lorenzo Ruiz.
Marso 7, 2021 nang maiulat na nawawala ang biktima na sinasabing manghuhuli lamang ng isda sa Brgy. Bibirao.
Dinala ang mga labi nito sa St. Peter Funeral Homes sa Brgy II Daet habang magsasagawa naman ng imbestigasyon ang mga awtoridad kaugnay ng nasabing insidente.
