ROBREDO PAMBATO NI JOEY SALCEDA SA PAGKA-PANGULO SA MAYO

ROBREDO PAMBATO NI JOEY SALCEDA SA PAGKA-PANGULO SA MAYO

Naghayag nin buong suporta ni Albay 2nd district Representative Joey Salceda kay Vice President Leni Robredo bilang saiyang pambato sa pagka pangulo sa maabot na halalan sa Mayo.

Base kay Salceda, nagdesidir siyang suportaran si Robredo nin huli ta sa gabos na presidentiables, si Robredo an makakamarhay para sa satuyang nasyon.

Ngaya, mayong pansadiring interes na pigpoprotektaran si Robredo asin an muya lang kaini iyong magserbi sa lambang saro.

Nagdesisir si Salceda na suportaran si Robredo, bako lang ta parehas sinda Bicolano, kundi sa kakayahan, tiwala asin si Robredo lang an ultimong kandidato na nagpapahiling nin tunay na pagkamoot na makatabang asin pagserbihan ang lambang Pilipino.

Sinabi man ni Salceda na maynapatunayan na an track record ni Robredo pag-abot sa good governance, na iyong makakarahay para sa ekonomiya kan nasyon.

Ipinahiling man ni Robredo an tamang paggamit kan kadikiton na pondo kan saiyang tanggapan para makatabang sa lambang, dagdag pa ni Salceda.

Tiwala man si Salceda na kayang pagsaruon ni Robredo an nasyon kun siya an magagana bilang presidente sa Mayo.

Pinarumdom man ni Salceda na si Robredo an saro sa mga may akda kan Republic Act 10708 o an Tax Incentives Management and Transparency ACT (TIMTA) Law kan panahon niya sa kongreso bilang representante kan Camarines Sur.

Leave a Reply

Your email address will not be published.