VILLAFUERTE: OKAY LANG KUN IBOTO KAN MGA TAGA-CAMSUR SI ROBREDO SA PAGKA-PANGULO

VILLAFUERTE: OKAY LANG KUN IBOTO KAN MGA TAGA-CAMSUR SI ROBREDO SA PAGKA-PANGULO

Dawa na magkalaban sa pulitika, nagsurog na man kay Bise Presidente Leni Robredo.

Ini an kasunod nin mensahe ni Camarines Sur 2nd District Rep. Luis Raymund Villafuerte Jr. sa mga kaalyado na mayong problema kun iboboto ninda si Robredo bilang Pangulo sa maabot na halalan sa Mayo.

Dae man direktang inindorso, sinabi ni Villafuerte na may sarong kandidatong Bicolana sa pagkapangulo sa maabot na halalan, patungkol kay Robredo.

“Hindi ako mage-endorse ng Presidente ngunit ipinauuubaya ko sa inyo kung sino ang napupusuan ninyo, nga mga taga-CamSur, na iboto sa pagka-Pangulo. Kung gusto nyong mag-Leni, ok lang sa akin,” sabi ini ni Villafuerte.

An mga Villafuerte bistong kalaban ni Robredo sa pulitika. Kaidtong 2013, nakalaban asin dinaog ni Robredo si Nelly Villafuerte sa pagka-kongresista kan 3rd Distrito kan Camarines Sur.

Bago pa man ini, inindorso ni Albay 2nd District Representative Joey Salceda si Robredo bilang Pangulo sa maabot na halalan da Mayo.

Nagdesisyon si Salceda na suportaran si Robredo nin huli sa gabos na presidentiables, siya an makakarahay sa nasyon.

Sinabi pa ni Salceda na warang pansadiring interes na pinkprotektaran si Robredo asin ang muya lang kaini makaserbi sa lambang saro.

Leave a Reply

Your email address will not be published.