Dakong alas 10:30 ng umaga nitong Pebrero 26, 2023 ng makatanggap ng tawag ang himpilan ng pulisya ng Vinzons mula sa isang concerned citizen na diumano’y may natagpuang bangkay ng isang lalaki sa may dalampasigan sa may di pa natapos na kalsada na may humigit kumulang 15 metro ang taas na bahagi ng Cory Aquino Boulevard sa Sitio Mantigbi, Barangay Calangcawan Sur, Vinzons Camarines Norte. Agad namang rumesponde ang mga operatiba ng Vinzons MPS sa nasabing lugar upang iberipika ang nasabing report.
Ayon sa ulat, ang nasabing lalaki ay hinihinalang naaksidente sa nasabing lugar batay na rin sa natagpuang motor na kulay itim na ilang metro mula sa kinaroroonan nito. Ang nasabing motosiklo na may MV File number na 1801-0029445 ay pinaniniwalaang pag-aari ng naturang biktima.
Agad namang natukoy ng Vinzons MPS ang pagkakakilanlan nang nasabing biktima sa pamamagitan ng nagpakilalang ama nito na sa kasalukuyan ay nakikipag-ugnayan sa hepe ng Vinzons MPS na si PMAJ ARKHEMEDES C GARCIA.
Samantala, ang labi ng biktima ay kasalukuyang nasa Cereno Funeral Homes sa bayan ng Vinzons para sa pagsasagawa ng post mortem examination.
Muling nagpaalala si PMAJ GARCIA sa lahat na palagiang mag-iingat sa pagmamaneho sa lahat ng oras at pagkakataon upang ligtas tayong makauwi sa ating mga pamilya.
Source/photo: CNPPO PIO
