Dakong 1:00 ng hapon nito lamang Setyembre 18, 2023 nang maaresto sa ikinasang Manhunt Charlie Operation na isinagawa ng mga kapulisan ng Capalonga MPS ang isang lalaking nakatala bilang Rank#1 Municipal Most Wanted Person ng bayan ng Capalonga para sa buwan ng Setyembre.
Kinilala ang suspek na si alias “RUDY,” 33 anyos, binata, isang construction worker at residente ng P-4, Brgy. Camagsaan, Capalonga, Camarines Norte. Naaresto ang nasabing akusado sa bisa ng Warrant of Arrest na inisyu ni Honorable Judge Leo Lumabad Intia, Acting Presiding Judge RTC Branch 64, Labo, Camarines Norte ng petsang August 18, 2023 at walang kaakibat na pyansa, para sa kinakaharap nitong apat na kaso ng Rape in relation to RA 7610 sa ilalim ng Criminal Cases No. 23-4612, 23-4613, 23-4614 and 23-4615.
Sa kasalukuyan ay nasa kostudiya na ng Capalonga MPS ang naarestong personahe para sa kaukulang disposisyon.
Source: CNPPO PIO
