Isang 28 anyos na lalaki ang naaresto ng mga operatiba ng Daet MPS kasama ng CIDG-CNPFU para sa dalawang warrant of arrest dakong alas 4:00 ng hapon nitong Mayo 10, 2024 sa Purok 4, Brgy. V, Daet, Camarines Norte.
Kinilala ito sa alyas na “ARK”, 28 anyos, binata at residente ng nasambit na lugar. Inihain sa akusado ang dalawang warrant of arrest para sa paglabag sa Section 5 (e) at 11 ng R.A. 9165 sa ilalim ng Criminal Case No. 21136 at 21137 na walang rekomendadong piyansa at kasong Theft sa ilalim ng Criminal Case No. 24-2971 na may piyansang Php 10,000.00. Ang naarestong personahe ay nakatala bilang Rank 4 Regional Most Wanted Person sa Bicol Region.
Agad na ipinaalam sa suspek ang kanyang karapatan bilang akusado at dinala sa Camarines Norte Provincial Hospital para sa usaping medikal.
Ang nasabing arestado ay kasalukuyang nasa pangangalaga ng Daet MPS para sa kaukulang disposisyon.
Source: CNPPO PIO
