Nitong Setyembre 23, 2024, bandang 7:58 ng gabi, dalawang indibidwal na tulak umano ng ilegal na droga ang naaresto sa isang buy-bust operation sa Purok-3, Barangay Masalong, Labo, Camarines Norte. Ang operasyon ay pinangunahan ng Labo MPS, katuwang ang CNPIU, CNPDEU, 2nd PMFC, at PDEA Region V.
Kinilala ang mga suspek bilang si Alyas “Tatang,” 40 taong gulang, isang minero, at Alyas “Eva,” 49 taong gulang, isang mananahi, na parehong residente ng nasabing lugar. Nahuli sila sa akto ng pagbebenta ng hinihinalang ilegal na droga. Nakuha sa operasyon ang isang pakete ng hinihinalang shabu bilang buy-bust item, kasama ang anim na maliit na pakete ng shabu at P1,500 buy-bust money. Bukod dito, nasamsam din ang isang .22 kalibreng revolver na walang serial number at walong bala.
Ang mga suspek at ang nakumpiskang ebidensya ay kasalukuyang nasa kustodiya ng Labo MPS para sa pagsasampa ng mga kaukulang kaso.
Source: CNPPO PIO
