Isang lalaki ang naaresto sa ikinasang buy-bust operation laban sa iligal na droga ng mga tauhan ng PDEU/CNPIU (lead unit), at Daet Municipal Police Station dakong 12:30 ng madaling araw nitong Oktubre 29, 2024 sa Purok 5, Brgy. Pamorangon, Daet, Camarines Norte.
Ang suspek ay nakilalang si alyas na “ROD”, 37 taong gulang, may asawa, at residente ng Brgy. South Centro, Sipocot Camarines Sur. Ayon sa report, matagumpay na nakabili ang nakatalagang poseur buyer sa nasabing suspek ng pakete ng hinihinalang shabu, dahilan upang agad arestuhin ang suspek.
Kumpiskado sa operasyon ang hindi pa matukoy na bigat at halaga ng hinihinalang iligal na droga. Ang isinagawang operasyon, imbentaryo at pagmarka sa mga nakuhang ebidensya ay nasaksihan ng opisyales ng barangay at kinatawan ng media.
Agad namang ipinaalam sa suspek ang kanyang karapatan at dinala sa Camarines Norte Provincial Hospital para sa usaping medikal.
Samantala, ang nasabing suspek ay kasalukuyang nasa kostudiya ng Daet MPS para sa kaukulang pagdodokumento at disposisyon.
Source: CNPPO PIO
